Loading...

ເປີດ​ພິ​ທີ​ດຳ​ເນີນ​ການ​ເຄື່ອນ​ໄຫ​ວ, ​ຕິດ​ຕາມສະ​ມາ​ຊິກ​ພັກ 3 ໜ່ວຍ​ພັກ

ໂຮງ​ຮຽນ​ ມ.ສ ພູ​ຟ້າ​ໄດ້​ເປີ​ດ​ພິ​ທີ​ດຳ​ເນີນ​ການ​ເຄື່ອນ​ໄຫວ, ຕິດ​ຕາມ​ສະ​ມາ​ຊິກ​ພັກ 3 ໜ່ວຍ​ພັກ ໂດຍ​ພາຍ​ໃ​ຕ້​ການ​ຊີ້​ນຳ​ຂອງ​ທ່ານ ຄຳ​ພັນ ສຸ​ຍະ​ລັດ ຄະ​ນ​ະ​ປະ​ຈຳ​ພັກ​ເມືອງ, ຮອງ​ເຈົ້າ​ເມືອງ, ຜູ້​ຊ​ີ້​ນຳ​ຂົງ​ເຂດ​ວັດ​ທະ​ນະ​ທຳ​ ພ້ອມ​ດ້ວຍທີມ​ງານ​ໄດ້​ລົງ​ເຄືອນ​ໄຫວ​ຕີ​ລາ​ຄາ​ສະ​ມາ​ຊິກ, ການ​ຄຸ້ມ​ຄອງ​ພະ​ນັກ​ງານ​ແຕ່​ນີ້​ຮອດ 2020 ເພື່ອ​ໃຫ້​ປະ​ກົດ​ຜົນ​ເປັນ​ຈິງ​ນັ້ນ ທ່ານ​ ຄຳ​ພັນ ສຸ​ຍະ​ລັດ ໄດ້​ຊີ້​ແນະ​ບັນ​ດາ​ມາດ​ຖານ​, ເງື່ອນ​ໄຂ​ຕ່າງໆ ເພື​່ອ​ໃຫ້​ພະ​ນັກ​ງານ​ລັດ​ຖະ​ກອນ​ມີ​ຄວາມ​ເຂົ້າ​ໃຈ​ຢ່າງ​ຈະ​ແຈ້ງ​ ໃຫ້​ແກ່​ພະ​ນັກ​ງານ, ຄູ-ອາ​ຈານໃນ​ຈຳ​ນວນ 69 ສະ​ຫາຍ.

ພິ​ທີ​ດັ່ງ​ກ່າວ​ໄດ້​ໄຂ​ຂຶ້ນ​ເປັນ​ເວ​ລາ 2 ວັນ​ເຕ​ັມ ເຊິ່ງ​ພ​າຍ​ໃຕ້​ບັນ​ຍາ​ກາດ​ທີ່​ຄຶກ​ຄື້ນ​ ດ້ວຍ​ການ​ປະ​ກອບ​ຄຳ​ຄິດ​ຄ​ຳ​ເຫັນ​ຂອງ​ພະ​ນັກ​ງານ​-ລັດ​ຖະ​ກອນ​ຂອງ​ແຕ່​ລະ​ໜ່ວຍ​ຢ່າງ​ສຸດ​ອົກ​ສຸດ​ໃຈ. ນອກ​ຈາກ​ນີ້ ຍັງ​ໄດ້​ເປີດ​ພິ​ທີ​ມອບ​ຮັບ​ໃບ​ຍ້ອງ​ຍໍ​ຂອງ​ໜ່ວຍ​ພັກ​ເຂັ້ມ​ແຂ​ງ-ຮູ້​ນຳ​ພາ​ຮອບ​ດ້ານ​ ຄັ້ງ​ທີ 8 ປີ 2017 ຂອງ​ໜ່ວຍ​ພັກ​ທັງ​ 3 ໜ່ວຍ; ພ້ອມ​ທັງ​ຜ່ານ​ບົດ​ສະຫຼຸບ, ວາງ​ແຜນ​ການ​ປ​ະ​ຈຳ​ປີ 2018-2019 ເພື່ອ​ຄວາມ​ເປັນ​ເອ​ກະ​ພາບ ແລະ ເຮັດ​ໃຫ້​ການ​ສິດ​ສອນ​ໃນ​ຄັ້ງ​ຕໍ່ໆ​ໄປ​ໃຫ້​ມີ​ທັງ​ປະ​ລິ​ມານ ແລະ ຄຸ​ນະ​ພາບ ໃຫ້​ເປັນ​ຄູ​ສອນ​ດີ-ສອນ​ເກັ່ງ​ໃນ​ອະ​ນາ​ຄົດ ແລະ ສະ​ມາ​ຊິກ​ພັກ​ເປັນ​ແບບ​ຢ່າງ​ໃຫ້​ແກ່​ມະ​ຫາ​ຊົນ ໃຫ້​ສົມ​ດັ່ງ​ຄຳ​ທີ່​ວ່າ: “ພັກ​ເປັນ​ແກນ​ນຳ​ຂອງ​ປະ​ເທດ​ຊາດ”.

ພິ​ທີ​ມອບ​ໃບ​ຍ້ອງ​ຍໍ​ໃຫ້​ໜ່ວຍ​ພັກ ມ.ຕົ້ນ
ພິ​ທີ​ມອບ​ໃບ​ຍ້ອງ​ຍໍໃຫ້​ໜ່ວຍ​ພັກ ມ.ສ ພູ​ຟ້າ
​ພິ​ທີ​ມອບ​ໃບ​ຍ້ອງ​ຍໍ​ໃຫ້​ໜ່ວຍ​ພັກ ມ.ປາຍ

​ໃນ​ຕອນ​ທ້າຍ ທ່ານ​ ຄຳ​ພັນ ສຸ​ຍະ​ລັດ ຄະ​ນ​ະ​ປະ​ຈຳ​ພັກ​ເມືອງ, ຮອງ​ເຈົ້າ​ເມືອງ, ຜູ້​ຊ​ີ້​ນຳ​ຂົງ​ເຂດ​ວັດ​ທະ​ນະ​ທຳ​ ໄດ້​ໃຫ້​ຄຳ​ໂອ້​ລົມ​ໃຫ້​ແກ່​ສະ​ມາ​ຊິກ​ພັກ, ຄູ-ອາ​ຈານ ຕ້ອງ​ກຳ​ແໜ້ນ​ເຊື່ອມ​ຊືມ​ບັນ​ດາ​ເອ​ກະ​ສານ​ໃນ​ແຕ່​ລະ​ດ້ານ​ຕ່າງໆ ໃຫ້​ມີ​ຄວາມ​ເຂັ້ມ​ແຂງ ແລະ ມີ​ຄວາມ​ກ້າວ​ໜ້າ​ໃນ​ທຸກວຽກ​ງານ​ທີ່​ຕົນ​ຮັບ​ຜິດ​ຊອບ​ໃຫ້​ປະ​ກົດ​ຜົນ​ເປັນ​ຈິງ.

ທີມ​ຂ່າວ ມ.ສ ພູ​ຟ້າ