Loading...

ພິ​ທີ​ເປີດກອງ​ປະ​ຊຸມ​ໃຫຍ່​ຂອ​ງ​ໜ່ວຍ​ພັກ​ພາຍ​ໃນ​ໂຮງ​ຮຽນ ມ.ສ ພູ​ຟ້າ

ໃນ​ຕອນ​ບ່າຍ​ຂອງວັນ​ທີ 03 ພຶດ​ສະ​ພາ 2019 ໂຮງ​ຮຽນ ມ.ສ ພູ​ຟ້າ​ ໄດ້​ຈັດ​ພິ​ທີ​ກອງ​ປະ​ຊຸມ​ໃຫຍ່​ຂອງ​ໜ່ວຍ​ພັກ​ພາຍ​ໃນ​ໂຮງ​ຮຽນ ມ.ສ ພູ​ຟ້າ​ ຄັ້ງ​ທີ V ຂຶ້ນ ເຊິ່ງ​ໃນ​ນັ້ນ ແບ່ງ​ອອກ​ເປັນ 3 ຈ​ຸຄື: ຈຸ ມ.ສ ພູ​ຟ້າ, ຈຸ ມ.ຕົ້ນ ແລະ ຈຸ ມ.ປາຍ, ມີ​ຜູ້​ແທນ​ເຂົ້າ​ຮ່ວມ​ຈຳ​ນວນ 62 ສະ​ຫາຍ ຍິງ 57 ສະ​ຫາຍ, ຜູ້​ແທນ​ສົມ​ບູນ 57 ສະ​ຫາຍ.

ພາຍ​ໃຕ້​ການ​ເປ​ັນ​ປະ​ທານ​ຂອງ​ທ່ານ ຄຳ​ພັນ ສຸ​ຍະ​ລັດ ກຳ​ມະ​ການ​ພັກ​ເມືອງ, ຮ​ອງ​ເຈົ້າ​ເມືອງ​ເມືອງ​ຜົ້ງ​ສາ​ລີ ຜູ້​ຊີ້​ນຳ​ວຽກ​ງານ​ຂົງ​ເຂດ​ວັ​ດ​ທະ​ນະ​ທຳ​-ສັງ​ຄົມ ພ້ອມ​ດ້ວຍ​ພາກ​ສ່ວນ​ທີ່​ກ່ຽວ​ຂ້ອງ ແລະ ຄູ-ອາ​ຈານທີ່​ເປັນ​ສະ​ມາ​ຊິກ​ພັກ​ກໍ​ໄດ້​ເຂົ້າ​ຮ່ວມ​ຢ່າງ​ຄັບ​ຄາ​ໜາ​ແໜ້ນ ແລະ ໃນ​ນັ້ນ ທ່ານ​ເລ​ຂາ​ໜ່ວຍ​ພັກ​ແຕ່​ລະ​ໜ່ວຍ​ກໍ​ໄດ້​ຜ່ານ​ບົດ​ລາຍ​ງານ​ການ​ເມືອງ​ທັງ​ສອງ​ພາກ ໂດຍ​ສະ​ເພາະ​ແມ່ນ​ການ​ຈັດ​ຕັ້ງ​ປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ IV ຂອງໜ່ວຍ​ພັກ​ໃນ​ແຕ່​ລະ​ຈຸ​ຄື​ໃນປີ 2017-2019 ແລະ ພ້ອມ​ທັງ​ຜ່ານ​ບົດ​ສຳຫຼວດ​ຂອງການ​ນຳ​ພາ​ຄະ​ນະ​ພັກ​ໃນ​ແຕ່​ລະ​ໜ່ວຍ ໂດຍ​ຍົກ​ເອົາ​ບັນ​ຫາ​ການ​ປະ​ຕິ​ບັດ​ທິດ​ທາງ​ໃນ​ໄລ​ຍະ 2017-2019. ນອກ​ນັ້ນ ຄະ​ນະ​ພັກ​ແຕ່​ລະ​ຈຸ​ກໍ​ຍັງ​ໄດ້​ຜ່ານ​ບົດ​ລາຍ​ງານ ແລະ ບັນ​ຫາ​ຂໍ້​ຄົງ​ຂ້າງ​ທີ່​ຈະ​ຕ້ອງ​ໄດ້​ປັບ​ປຸງ​ໃນ​ຕໍ່​ໜ້າ.

ໃນ​ພິ​ທີ​ຍັງ​ໄດ້​ປ່ອນ​ບັດ​ຄັດ​ເລືອກ​ເອົາ​ຄະ​ນະ​ພ​ັກ​ຊຸດ​ໃໝ່​ຂອງ​ໜ່ວຍ​ພັກ​ທັງ 3 ຈຸ ເຊິ່ງ​ສາ​ມາດ​ຄັດ​ອອກ​ມາ​ໄດ້​ດັ່ງ​ນີ້:

# ຈຸ ມ.ສ ພູ​ຟ​້າ

  1. ສະ​ຫາຍ ສຸກ​ມະ​ນີ ຍິນ​ສົມ​ບັດ
  2. ສະ​ຫາຍ ມະ​ນີ ຈັນ​ແສງ
  3. ສະ​ຫາຍ ພອນ​ມະ​ນີ ໄຊ​ຍະ​ແສງ

# ຈຸ ມ.ຕົ້ນ

  1. ສະ​ຫາຍ ທະ​ວີ ສຸກ​ສັນ
  2. ສະ​ຫາຍ ກີມ​ຄຳ ສຸ​ລິ​ພົນ
  3. ສະ​ຫາຍ ວອນ​ຄຳ ຈັນ​ຫຸງ​ສາ

# ຈຸ ມ.ປາຍ

  1. ສະ​ຫາຍ ມະ​ນີ​ຈັນ ເພັດ​ຊະ​ວົງ
  2. ສະ​ຫາຍ ບົວ​ລີ ອິນ​ຕະ​ວົງ
  3. ສະ​ຫາຍ ຂັນ​ຄຳ ແກ້ວ​ປະ​ສິດ

ໃນ​ຕອນ​ທ້າຍ​ຂອງກອງ​ປະ​ຊຸມ ທ່ານ​ ຄຳ​ພັນ ສຸ​ຍະ​ລັດ ກຳ​ມະ​ການ​ໃນ​ຄະ​ນະ​ປະ​ຈຳ​ພັກ​ເມືອງ, ຜູ້​ຊີ້​ນຳ​ວຽກ​ງານ​ວັດ​ທະ​ນະ​ທຳ-ສັງ​ຄົມ ໄດ້​ໃຫ້​ຄຳ​ໂອ້​ລົມ​ຕໍ່​ກອງ​ປະ​ຊຸ​ໃຫຍ່​ຄັ້ງ​ທີ V ຂອງ​ໜ່ວຍ​ພັກ​ພາຍ​ໃນ​ໂຮງ​ຮຽນ​ ມ.ສ ພູ​ຟ້າ ເຊິ່ງ​ທ່ານ​ໄດ້​ເໜັ້ນ​ໜັກ​ເຖິງ​ການ​ປະ​ຕິ​ບັດ​ວຽກ​ງານ​ຂອງ​ຄູ​-ອາ​ຈານທີ່​ເປັນ​ສະ​ມາ​ຊິກ​ພັກ, ພະ​ນັກ​ງານ-ລັດ​ຖະ​ກອນຄູຄືມີ​ຄວາມ​ເອ​ກະ​ພາບ, ສາ​ມັກ​ຄີ​ພາຍ​ໃນ​ໜ່ວຍ​ພັກ ແລະ ທ່ານ​ຍັງ​ໄດ້​ເໜັ້ນ​ເຖິງ​ການ​ຮຽນ-ການ​ສອນ​ຂອງ​ຄູ-ອ​າ​ຈານ ພ້ອມ​ທັງ​ຍ້ອງ​ຍໍ​ເຖິງ​ຜົນ​ງານ​ຂອງ​ຜູ້​ສິດ​ສອນທີ່​ນັກ​ຮຽນ​ຍາດ​ມາ​ໄດ້ ສະ​ແດງ​ອອກ​: ມີ​ນັກ​ຮຽນ​ທີ່​ສາ​ມາດ​ໄປ​ເຂົ້າ​ເສັງ​​ລະ​ດັບ​ຊາດໃນ​ວິ​ຊາ​ພາ​ສາ​ລາວ-ວັນ​ນະ​ຄະ​ດີ​ຊັ້ນ ມ.4 ແລະ ທ່ານ​ຍັງ​ໄດ້​ຍ້ອງ​ຍໍ​, ຊຸກ​ຍູ້​ສົ່ງ​ເສີມ​ທາງ​ດ້ານ​ວຽກ​ງານ​ກິ​ລາ ແລະ ວັນ​ນະ​ຄະ​ດີ​ທີ່​ຮັບ​ໃຊ້​ໃຫ້​ແກ່​ຂັ້ນ​ເທິງ​ຢ່າງ​ເປັນ​ຂະ​ບວນ​ຟົດ​ຟື້ນ. ນອກ​ນີ​້ ທ່ານ​ຍັງ​ໄດ້​ແລກ​ປ່ຽນ​ ແລະ ຊີ້​ທິດ​ເຍືອງ​ທາງ​ໃຫ້​ແກ່​ຄະ​ນະ​ໜ່ວຍ​ພັກ​ຊຸດ​ໃໝ່​ຕ້ອງ​ປະ​ຕິ​ບັດ​ຄື:

  1. ຕ້ອງ​ຮູ້, ກຳ​ແໜ້ນ​ມະ​ຕິ ແລະ ແນວ​ທາງ​ນະ​ໂຍ​ບາຍ​ຂອງ​ພັກ​ໃຫ້​ໄດ້​ດີ.
  2. ຮູ້​ນຳ​ພາ​ດ້ານ​ວິ​ຊາ​ສະ​ເພາະ, ຕ້ອງ​ເອົາ​ໃຈ​ໃສ່​ປົ​ກ​ປັກ​ຮັກ​ສາ​ພື້ນ​ຖານ​ໂຄງ​ລ່າງ, ປະ​ຕິ​ບັດ​ຕາມ​ໂຄງ​ການ​ຫຼັກ​ສູດ​ໃຫ້​ໄດ້​ຕາມ​ແຜນ​ທີ່​ທາງ​ກະ​ຊວງ​ສຶກ​ສາ​ວາງ​ອອກ​ຄື: 3 ລັກ​ສະ​ນະ​ 5 ຫຼັກ​ມູນ​ການ​ສຶກ​ສາ.
  3. ເລື່ອງ​ບັນ​ຫາ​ການ​ຕ້ານ ແລະ ສະ​ກັດ​ກັ້ນ​ປະ​ກົດ​ການ​ຫຍໍ້​ທໍ້​ນັບ​ທັງ​ຄູ-ອາ​ຈານ ແລະ ນັກ​ຮ​ຽນ.